პროექტები

საქართველოს სტატისტიკის ეროვნული სამსახური დონორი ორგანიზაციებიდან აქტიურად თანამშრომლობს ,,ფონდი-ათასწლეულის გამოწვევა საქართველოსთან (საქართველოს ათასწლეულის ფონდი). 2008 წლის 4 აპრილს გაფორმებული ,,განმახორციელებელი უწყების ხელშეკრულების” ფარგლებში 2008 წლის აპრილიდან ფუნქციონირება დაიწყო ათასწლეულის პროგრამის ზეგავლენის შეფასების პროექტმა, რომელიც დასრულდება 2011 წლის მარტში. გრანტის საერთო ოდენობა შეადგენს აშშ დოლარს. ხელშეკრულება ითვალისწინებს სტატისტიკის ეროვნული სამსახურის მიერ ორი გამოკვლევის ჩატარებას:

• შინამეურნეობების ინტეგრირებული გამოკვლევა გაორმაგებული შერჩევის ზომით;
• სოფლის ინფრასტრუქტურის აღწერა.

საქართველოს ათასწლეულის ფონდის მიერ მონაცემთა ხარისხის კონტროლის მიზნით დაქირავებული იქნა კომპანია (“IMPAQ International LLC”), რომელმაც განახორციელა საქართველოს სტატისტიკის ეროვნული სამსახურის მიერ პროექტის ფარგლებში მიმდინარე გამოკვლევების აუდიტი და წარმოადგინა შეფასებები და რეკომენდაციები ანგარიშის სახით. მონაცემთა ხარისხის კონტროლის კომპანიის მიერ შემუშავებული რეკომენდაციების და დასკვნების საფუძველზე სტატისტიკის დეპარტამენტმა შეიმუშავა მონაცემთა ხარისხის გაუმჯობესების გეგმა და დაიწყო ამ გეგმით გათვალისწინებული პუნქტების განხორციელება.