|
2010 წლის 1 ივნისიდან საქართველოს სტატისტიკის ეროვნულ სამსახურში მიმდინარეობს მსოფლიო ბანკის მიერ დაფინანსებული პროექტი “ სტატისტიკის ეროვნული სისტემის განვითარების სტრატეგია.” პროექტის საერთო ღირებულებაა 280 000 აშშ დოლარი, ხანგძლივობა _ ექვსი თვე. პროექტი მიზნად ისახავს საქართველოს სტატისტიკის ეროვნული სამსახურის საჭიროებების გამოვლენასა და ეროვნული სტატისტიკის განვითარების სტრატეგიის შემუშავებას.
გრანტით დაფინასებული აქტივობები:
- არსებული სტატისტიკური სისტემის შეფასება;
- სტატისტიკის სფეროში არსებული კანონმდებლობის შესწავლა;
- სტატისტიკური გამოკვლევების არსებული ინსტრუმენტარისა და მეთოდოლოგიების შესწავლა;
- მონაცემების შეგროვების არსებული ინსტიტუციური მექანიზმების შესწავლა;
- საქსტატისთვის განვითარების გენერალური გეგმის ჩამოყალიბება პოტენციური დონორების ფინანსური მხარდაჭერით;
- სტატისტიკის შესაძლებლობების, რესურსების, კადრების გადამზადების საჭიროების და ტექნიკური საშუალებების შეფასება;
- სტატისტიკურ მონაცემებზე არსებული და მომავალი მოთხოვნის შეფასება.
პროექტის ფარგლებში საქსტატში მუშაობს ორი საერთაშორისო კონსულტანტი ჰერმან ჰაბერმანი და ვილემ დე ფრიიზი. საბოლოო დოკუმენტის შემუშავებამდე ექსპერტების ვიზიტი საქართველოში რამდენჯერმე იგეგმება.
სტატისტიკის განვითარების მკაფიო და კონკრეტული გეგმის ჩამოსაყალიბებლად განხორციელდება სამსაფეხურიანი პროცესი:
- არსებული მდგომარეობის შესწავლა და შეფასება (აჭარისთვის შეფასების ჩათვლით);
- მოკლევადიანი სამოქმედო სტრატეგიის შემუშავება;
- გრძელვადიანი განვითარების გეგმის შედგენა.
|
