სამომხმარებლო ფასების ინდექსის კალკულატორის დახმარებით შესაძლებელია მომხმარებლისთვის სასურველი პერიოდისთვის ინდექსის საერთო ცვლილების გაანგარიშება. გარდა ამისა, კალკულატორი იძლევა ინფლაციის გათვალისწინებით თანხების გაანგარიშების საშუალებას.

გასული პერიოდის თანხების ინფლაციის გათვალისწინებით გაანგარიშებისთვის კალკულატორი იყენებს ჯაჭვურად გადაბმული ყოველთვიური ოფიციალური სამომხმარებლო ფასების ინდექსის მნიშვნელობებს.

შევსების ეტაპები

1. აირჩიეთ დროითი პერიოდი

ინფლაციის გათვალისწინებით თანხის გაანგარიშებისთვის, პირველ რიგში, აუცილებელია მიუთითოთ საწყისი და საბოლოო დროის პერიოდი. საწყისი პერიოდი გულისხმობს იმ პერიოდს, რომელსაც ეკუთვნის გასაანგარიშებელი თანხა, ხოლო საბოლოო პერიოდი - იმ პერიოდს, რომლის მდგომარეობითაც გსურთ თანხის გაანგარიშება (საბოლოო პერიოდი მონაწილეობს გაანგარიშებაში).

2. მიუთითეთ თანხა

შესაბამის ველში ჩაწერეთ თანხის ოდენობა, რომლის გაანგარიშებაც გსურთ წინა ეტაპზე არჩეული პერიოდის მდგომარეობით.

3. შედეგების ინტერპრეტაცია

მონაცემების შეყვანის შემდეგ მიიღებთ შემდეგ ინფორმაციას:

a. არჩეული დროითი პერიოდისთვის სამომხმარებლო ფასების ინდექსის საერთო ცვლილებას;

b. ინფლაციის, ასევე სახელმწიფო ვალუტის ერთეულის ცვლილების გათვალისწინებით, მითითებული თანხის ღირებულებას არჩეული დროითი პერიოდის მდგომარეობით;

c. არჩეულ საწყის პერიოდთან შედარებით ინფლაციის მაჩვენებლის დინამიკას, გრაფიკის სახით.