საქართველო ევროსტატის მიერ ორგანიზებულ ორდღიან საერთაშორისო სასწავლო კურსს მასპინძლობს. სასტუმრო ,,ბეტსიში“ მიმდინარე სწავლების მთავარი თემაა- საგადასახდელო ბალანსი და მასთან დაკავშირებული საკითხები. სასწავლო კურსის მიზანია ევროპული სტანდარტების გაცნობა და შემდგომი ჰარმონიზაცია პარტნიორ ქვეყნებში. კურსი საუკეთესო საშუალებაა ქვეყნებს შორის პრაქტიკის და გამოცდილების გაზიარების და ურთიერთთანამშრომლობის გაღრმავების მიმართულებით. სასწავლო კურსს საქსტატის თანამშრომლების გარდა აღმოსავლეთ ევროპის, კავკასიისა და ცენტრალური აზიის ქვეყნების სტატისტიკური სამსახურის წარმომადგენლები ესწრებიან. 
სწავლების დროს ტრენინგის მონაწილეები გაეცნობიან და განიხილავენ საგადასახდელო ბალანსის წარმოების თეორიულ და პრაქტიკულ ასპექტებს. ასევე, ძირითადი ყურადღება გამახვილებული იქნება საგადასახდელო ბალანსის ცნების დეფინიციასა და მეთოდოლოგიურ საკითხებზე, ფინანსური ანგარიშების და საერთაშორისო საინვესტიციო პოზიცის საკითხების განხილვებზე. გარდა ზემოაღნიშნულისა, მონაწილეები გაეცნობიან საგადასახდელო ბალანსის კონცეპტუალური ჩარჩოს ძირითად არსს და განიხილავენ დაკავშირებულ პრობლემურ საკითხებს. ასევე, მიიღებენ ინფორმაციას იმ ძირითადი წყაროებისა და მეთოდების შესახებ, რომლებით ხდება ევროკავშირის ანგარიშების წარმოება. 
ორდღიანი სწავლება თეორიული გაკვეთილების, პრაქტიკული კომპიუტერული ტრენინგისა და პრაქტიკული პრობლემების შესახებ დისკუსიის ერთობლიობაა.