25 აპრილიდან 4 მაისის ჩათვლით საქსტატში სამუშაო ვიზიტით საერთაშორისო სავალუტო ფონდის ექსპერტები იმყოფებიან. ვიზიტის მთავარ მიზანს წარმოადგენს ფასების სტატისტიკის სფეროში ახალი ინდიკატორის - საცხოვრებელი უძრავი ქონების ფასების ინდექსის (Residential Property Price Index – RPPI) დანერგვა და უკვე არსებული მწარმოებელთა ფასების ინდექსის დაფარვის გაუმჯობესება, მომსახურების ნაწილის მიმართულებით. 
RPPI მაკროეკონომიკური და ფინანსური სტაბილურობის მნიშვნელოვანი ინდიკატორია. ის ძირითადად გამოყენებული იქნება ეროვნული ბანკის და კერძო დეველოპერების მიერ, ასევე საქსტატში ეროვნული ანგარიშების სტატისტიკის მიზნებისთვის. 
ვიზიტის ფარგლებში, ექსპერტების და საქსტატის თანამშრომლების მონაწილეობით მოხდა ახალი ინდექსის დანერგვისთვის საჭირო ღონისძიებების დაგეგმვა, ასევე არსებული ინდიკატორების ხარისხის გაუმჯობესებაზე ორიენტირებული რეკომენდაციების შემუშავება.