საქართველოს სტატისტიკის ეროვნული სამსახურისა და შვედეთის სტატისტიკის ბიუროს თანამშრომლობის პროექტის ფარგლებში საქსტატში ხუთდღიანი სამუშაო ვიზიტით ბრიტანელი ექსპერტი მაიკ ჰიუზი იმყოფებოდა. 
ბრიტანელმა ექსპერტმა საქსტატის თანამშრომლებთან ერთად იმუშავა ოფიციალური სტატისტიკის შესახებ საქართველოს კანონის საერთაშორისო ანალოგებთან შემდგომ ჰარმონიზებაზე. მან ქართველ კოლეგებს გააცნო ამ სფეროში ევროკავშირის ქვეყნებში არსებული მოწინავე პრაქტიკა. 
მომზადდა წინადადებები საქართველოს კანონში შესატან ცვლილებებზე, გაეროს ევროპის ეკონომიკური კომისიისა და ევროსტატის მიერ შემუშავებული ოფიციალური სტატისტიკის შესახებ სამოდელო კანონის (Generic Law on Official Statistics) შესაბამისად. 
აღნიშნული დებულებების დანერგვა კიდევ ერთი ნაბიჯი გახდება ევროკავშირთან ასოცირების შეთანხმების დღის წესრიგის შესრულების უზრუნველსაყოფად.