ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 13 მაისი 2019
საქართველოს სტატისტიკის ეროვნულ სამსახურს, ევროკავშირის პროგრამა თვინინგის ფარგლებში, საერთაშორისო ექსპერტთა რიგით მეორე მისია ეწვია.
მიმდინარე კვირის განმავლობაში დანიელი ექსპერტები სამუშაო შეხვედრებს საქსტატის საგარეო ვაჭრობის და უცხოური ინვესტიციების სტატისტიკის დეპარტამენტის თანამშრომლებთან გამართავენ, რომლის მიზანს საგარეო ვაჭრობის სტატისტიკის შეფასება და განვითარება წარმოადგენს.
შეხვედრების დროს, ექსპერტები სექტორში არსებულ მდგომარეობას, გამოყენებულ მეთოდებს, მონაცემთა წყაროებსა და მიმდინარე პრობლემებს შეისწავლიან. ასევე, შეიმუშავებენ სამომავლო გეგმებს აღნიშნულ სექტორში საერთაშორისო დონეზე შესადარისი მეთოდოლოგიის შემუშავებისა და საგარეო ვაჭრობის სტატისტიკის ხარისხის გაუმჯობესებისა და განვითარების თვალსაზრისით, რაც საქსტატისთვის ერთ-ერთი პრიორიტეტული საკითხია. შეხვედრის დროს ასევე განიხილება მომსახურებით საერთაშორსო ვაჭრობის სტატისტიკის წარმოების შესაძლებლობა.
ევროკავშირის მიერ დაფინანსებული თვინინგის პროექტის განხორციელება სტატისტიკის ეროვნულმა სამსახურმა, დანიის სტატისტიკასთან ერთად, მიმდინარე წლის აპრილიდან დაიწყო და 24 თვის განმავლობაში გაგრძელდება. პროექტი ოთხ კომპონენტს მოიცავს: საგარეო ვაჭრობა, ეროვნული ანგარიშები, ბიზნეს სტატისტიკა და სოციალური სტატისტიკა. დანიელი ექსპერტების შემდეგი მისია, რომელიც ბიზნეს სტატისტიკას შეეხება, თვის ბოლოს არის დაგეგმილი.
