ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 13 აგვისტო 2019
საქართველოს სტატისტიკის ეროვნულმა სამსახურმა, ევროკავშირის პროგრამა ტვინინგის ფარგლებში, საერთაშორისო ექსპერტთა მისიას უმასპინძლა. დანიელი ექსპერტები ერთი კვირის განმავლობაში სამუშაო შეხვედრებს მართავდნენ საქსტატის თანამშრომლებთან.
მისიის ფარგლებში განხილულ იქნა ეროვნული ანგარიშების სისტემის ახალი მეთოდოლოგიის (SNA 2008) დანერგვასთან დაკავშირებული საკითხები, რომელზე გადასვლასაც საქსტატი მიმდინარე წლის ნოემბრიდან გეგმავს.
ეროვნულ ანგარიშების სისტემის ახალი მეთოდოლოგიის (SNA 2008) დანერგვის ვალდებულება განსაზღვრულია საქართველოსა და ევროკავშირს შორის ასოცირების შესახებ შეთანხმებით. საქსტატის აღმასრულებელი დირექტორის, გოგიტა თოდრაძის თქმით, „ეროვნულ ანგარიშთა სისტემის 2008 წლის მოდელზე გადასვლა საქსტატს საშუალებას მისცემს მთლიანი შიდა პროდუქტის და ეროვნული ანგარიშების სხვა აგრეგატების გაანგარიშება განახორციელოს მეტი სიზუსტით, რაც ევროკავშირის ქვეყნებთან შესადარისობას უზრუნველყოფს“
ტვინინგის პროექტი საქსტატისა და დანიის სტატისტიკის მიერ, მიმდინარე წლის აპრილიდან დაიწყო და 24 თვის განმავლობაში გაგრძელდება. პროექტის მიზანია ხელი შეუწყოს საქართველოს სტატისტიკის შესაძლებლობების შემდგომ გაძლიერებას, საქსტატის მიერ დროული, საერთაშორისო დონეზე შესადარისი და სანდო მონაცემების წარმოების თვალსაზრისით.
