საქსტატსა და თბილისის მერიას შორის ურთიერთთანამშრომლობის მემორანდუმი გაფორმდა

თარიღი: 20 სექტემბერი 2019

ქალაქ თბილისის მერიასა და საქართველოს სტატისტიკის ეროვნულ სამსახურს შორის ურთიერთთანამშრომლობის მემორანდუმი გაფორმდა. მემორანდუმს ხელი საქსტატის აღმასრულებელმა დირექტორმა გოგიტა თოდრაძემ და თბილისის მერის მოადგილემ სოფო ხუნწარიამ მოაწერეს. ურთიერთთანამშრომლობის დოკუმენტი უწყებებს შორის მჭიდრო თანამშრომლობას ითვალისწინებს. 

დღეს ჩვენ გავაფორმეთ მემორანდუმი ქალაქ თბილისის მერიასთან, რომლის შესაბამისად თბილისის მერია საქსტატს უზრუნველყოფს ოფიციალური სტატისტიკის წარმოებისთვის საჭირო პირველადი ინფორმაციით, ხოლო საქსტატი მემორანდუმის ფარგლებში პერიოდულად მიაწვდის სხვადასხვა სახის სტატისტიკურ ინფორმაციას. მემორანდუმის ფარგლებში შეიქმნება თემატური სამუშაო ჯგუფები და გაიმართება სამუშაო შეხვედრები, რაც ხელს შუწყობს ერთის მხრივ ოფიციალური სტატისტიკის წარმოებას, ხოლო მეორე მხრივ გადაწყვეტილების მიმღებ პირებს უზრუნველყოფს მათთვის საჭირო სანდო და ობიექტური სტატისტიკური ინფორმაციით“ -განაცხადა გოგიტა თოდრაძემ. 

    თბილისის მერის მოადგილის, სოფიო ხუნწარიას თქმით - „ქალაქის ეკონომიკური დაგეგმივისას ძალიან მნიშვნელოვანია გვქონდეს ზუსტი სტატისტიკური მონაცემები, შესაბამისად დღეს ჩვენ გავაფორმეთ მემორანდუმი საქსტატთან, რომლის მიხედვითაც პირველად მოხდება ის, რომ თბილისის მასშტაბით დეტალურად გვექნება ინფორმაცია ბიზნესის, პირდაპირი უცხოური ინვესტიციების, შრომითი ბაზრისა და პროფესიული განათლების მიმართულებით.“