ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 18 მარტი 2020
ქვეყანაში ახალი კორონავირუსის (COVID-19) გავრცელებასთან დაკავშირებული რისკების თავიდან აცილების მიზნით, საქსტატი მონაცემთა შეგროვების ალტერნატიულ მეთოდებზე გადადის.
აღნიშნული ითვალისწინებს ზოგიერთი გამოკვლევის ფარგლებში (შინამეურნეობათა და სასოფლო მეურნეობათა გამოკვლევა), პირდაპირი ინტერვიურების მეთოდის ჩანაცვლებას სატელეფონო და ონლაინ გამოკითხვის მეთოდებით.
პირდაპირი ინტერვიურების (პირისპირ გამოკითხვის) დროს, საქსტატის ინტერვიუერები სტუმრობენ ოჯახების დიდ რაოდენობას, რაც ქმნის დაავადების გავრცელების რისკებს, როგორც საქსტატის თანამშრომლებისთვის, ისე რესპოდენტებისთვის.
შესაბამისად, ვირუსის გავრცელების პრევენციის მიზნით, საქსტატი დროებით აჩერებს ინტერვიუერების ვიზიტს რესპონდენტებთან, ხოლო მონაცემთა შეგროვებას, უახლოესი თვეების განმავლობაში, განახორციელებს სატელეფონო ინტერვიუებისა და ონლაინ გამოკითხვის საშუალებით.
საერთაშორისო და ადგილობრივი ჯანდაცვის ორგანიზაციების რეკომენდაციების შესაბამისად, საქსტატის თანამშრომელთა მნიშვნელოვანი ნაწილი მიმდინარე წლის 13 მარტიდან გადასულია დისტანციურ სამუშაო რეჟიმზე. ამასთან, განხორციელდა სადეზინფექციო სამუშაოები.
გისურვებთ ჯანმრთელობას და წარმატებებს!
