საქსტატი მუნიციპალიტეტის მერებთან სამუშაო შეხვედრებს მართავს

თარიღი: 15 ივლისი 2020

საქართველოს სტატისტიკის ეროვნული სამსახური გენდერული სტატისტიკის საკითხებზე სამუშაო შეხვედრებს და სემინარებს აგრძელებს. შეხვედრა, რომელიც ქ. ბათუმში მიმდინარეობს, ევროკავშირის მიერ დაფინანსებული პროექტის - "ევროკავშირი გენდერული თანასწორობის უწყებათაშორისი კომისიის მხარდასაჭერად" ფარგლებში ტარდება. 

გასვლით სამუშაო შეხვედრებს საქსტატის აღმასრულებელი დირექტორი გოგიტა თოდრაძე ხელმძღვანელობს, რომელშიც მონაწილეობას იღებენ აჭარის, გურიის, სამეგრელო - ზემო სვანეთის,  რაჭა-ლეჩხუმის, იმერეთისა და სამცხე-ჯავახეთის მუნიციპალიტეტების მერები და მათი წარმომადგენლები.

რამდენიმე დღიანი სამუშაო შეხვედრისას მონაწილეები გაეცნოებიან საქართველოს სტატისტიკის სისტემის განვითარების ძირითად მიმართულებებს, საქსტატის მიერ წარმოებულ პროდუქტებს და 2020-2023 წლების განვითარების სტრატეგიას; ასევე განიხილავენ გენდერული სტატისტიკის ინდიკატორებს და მათ გამოყენებასთან დაკავშირებულ საკითხებს; იმსჯელებენ გენდერული სტატისტიკის ინდიკატორებზე და მონაცემთა საჭიროებებზე, დაგეგმვისა და გადაწყვეტილების მისაღებად.

ბათუმში მიმდინარე  სამუშაო შეხვედრა ორშაბათს, 13 ივლისს გაიხსნა და ის 16 ივლისის ჩათვლით გაგრძელდება.