ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 20 ოქტომბერი 2020
დღეს, 20 ოქტომბერს, საერთაშორისო საზოგადოება სტატისტიკის მსოფლიო დღეს აღნიშნავს. სტატისტიკის მსოფლიო დღედ 20 ოქტომბერი 2010 წელს გაეროს გენერალური ასამბლეის № 64/267 რეზოლუციით დაწესდა და 5 წელიწადში ერთხელ აღინიშნება.
მსოფლიო სტატისტიკის დღეს გაეროს სტატისტიკის სამმართველო (UNSD), გაეროს რეგიონული ოფისები და გაეროს წევრი 200-მდე ქვეყნის სტატისტიკის ეროვნული სამსახურები სხვადასხვა ღონისძიებით აღნიშნავენ.
„გლობალური პანდემიის პირობებში, განსაკუთრებით აქტუალურია ამ დღის აღნიშვნა, როცა ამ ურთულეს პერიოდში ჩვენ ვაგრძელებთ სტატისტიკური სისტემების ადაპტირებას Covid-19-ით გამოწვეულ მოთხოვნებთან. სანდო ოფიციალური სტატისტიკის ძლიერი მომავალი პროფესიულ დამოუკიდებლობაზე, ობიექტურობასა და საზოგადოების ნდობაზეა დაფუძნებული. ეს მიმართულებები ჩვენთვის კვლავაც მნიშვნელოვან პრიორიტეტებად რჩება“ - აღნიშნა საქსტატის აღმასრულებელმა დირექტორმა გოგიტა თოდრაძემ.
მსოფლიო სტატისტიკის დღე საშუალებას იძლევა აღიარებული იქნას ოფიციალური სტატისტიკის მრავალი მიღწევა და ძირითადი ღირებულებები, სანდოობა და პროფესიონალიზმი. დაისახოს მომავლის გეგმები და ამოცანები. ეს არის დღე, როცა განსაკუთრებულ მადლიერებას გამოვხატავთ ყველა სტატისტიკოსის მიმართ, მათ მიერ გაწეული დაუღალავი შრომისთვის, სანდო და დროული სტატისტიკური მონაცემების წარმოებასა და გავრცელებაში, რომელიც უმნიშვნელოვანესი ინსტრუმენტია სწორი გადაწყვეტილებების მისაღებად და ეფექტიანი პოლიტიკის შესამუშავებლად.
ყველა სტატისტიკოსს ვულოცავთ მსოფლიო სტატისტიკის დღეს!
