ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 13 ნოემბერი 2020
დღეს, 13 ნოემბერს, გაეროს აზიისა და წყნარი ოკეანის ეკონომიკური და სოციალური კომისიის (UNESCAP) სტატისტიკის კომიტეტის ბიუროს შეხვედრა გაიმართა ონლაინ რეჟიმში.
ბიუროს შეხვედრა ახალი შემადგენლობით პირველად ჩატარდა. შეხვედრა ბიუროს თავჯდომარის რანგში, საქართველოს სტატისტიკის ეროვნული სამსახურის აღმასრულებელმა დირექტორმა, გოგიტა თოდრაძემ გახსნა. მან პანდემიის დროს ჩვენს ქვეყანასა და მსოფლიო სტატისტის წინაშე არსებულ გამოწვევებზე, თანამედროვე ტექნოლოგიების როლსა და ალტერნატიულ მონაცემების შეგროვების მნიშვნელობაზე ისაუბრა.
შეხვედრას ბიუროს წევრები, სტატისტიკის სამსახურების ხელმძღვანელი პირები, UNESCAP-ის სტატისტიკის განყოფილების დირექტორი ჯემა ვანჰელდერენი და გაეროს აზიისა და წყნარი ოკეანის სტატისტიკური ინსტიტუტის (SIAP) ხელმძვანელი აშიშ კუმარი ესწრებოდნენ.
ბიუროს დღევანდელი შეხვედრის მიზანს წარმოადგერნდა სტატისტიკის კომიტეტის მე -7 სხდომის შედეგებისა და გაეროს სტატისტიკის კომისიის 52-ე სხდომის მოსამზადებელ საკითხების განხილვა.
შეხვედრის ფარგლებში გოგიტა თოდრაძემ ბიუროს წევრებს კომიტეტის სხდომაზე მიღებული გადაწყვეტილებები წარუდგინა. ისაუბრა 2030 წლის მდგრადი განვითარების დღის წესრიგის განხორციელების, გენდერულ საკითხების, დიდი მონაცემების დანერგვისა და სტატისტიკური სამსახურების გაძლიერების შესახებ.
შეგახსენებთ, რომ ბიურო გაეროს აზიისა და წყნარი ოკეანის ეკონომიკური და სოციალური კომისიის (UNESCAP) სტატისტიკის კომიტეტის საკონსულტაციო და მააკორდინერებელი ორგანოა, რომელიც მას ფუნქციების შესრულებაში ეხმარება. ბიურო 6 წევრისგან შედგება, რომელსაც საქართველოსთან ერთად ინდოეთის, მალააზიის, ფილიპინების, შრილანკის, მონღოლეთისა და ფიჯის სტატისტიკის სამსახურების ხელმძღვანელებს აერთიანებს.
საქართველოს სტატისტიკის ეროვნული სამსახურის აღმასრულებელი დირექტორი გოგიტა თოდრაძე გაეროს აზიისა და წყნარი ოკეანის ეკონომიკური კომისიის ბიუროს თავჯდომარედ ორი წლის ვადით, მიმდინარე წლის 26 აგვისტოს აირჩიეს.
