ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 11 აგვისტო 2020
საქართველოს სტატისტიკის ეროვნულ სამსახურში „2020–2023 წლების საქართველოს ოფიციალური სტატისტიკის ეროვნული სისტემის განვითარების სტრატეგიისა და მისი განხორციელების 2020-2021 წლების სამოქმედო გეგმის შესრულებასთან დაკავშირებით, უწყებათაშორისო საბჭოს სხდომა გაიმართა. ვიდეო კონფერენციაზე, საქსტატის აღმასრულებელმა დირექტორმა გოგიტა თოდრაძემ, სტატისტიკის სისტემის განვითარების სტრატეგიის სამოქმედო გეგმის განხორციელების ექვსი თვის ანგარიში წარადგინა.
წინამდებარე ანგარიში მოიცავს პერიოდს 2020 წლის 1 იანვრიდან 30 ივნისის ჩათვლით, რომელიც წარმოდგენილია პროგრესანგარიშისა და სტატუსანგარიშის სახით. 2020-2021 წლების სამოქმედო გეგმა აერთიანებს 86 აქტივობას, რომელთაგან 9 აქტივობა შესასრულებელი იყო საანგარიშო პერიოდში. ყველა აქტივობა განხორციელდა სრულად. გარდა ამისა წინსწრებით, შესრულდა ექვსი აქტივობა, რომელთა განხორციელება დადგემილი იყო მომდევნო საანგარიშო პერიოდში.
შეხვედრაზე საქსტატის ხელმძღვანელის მიერ ასევე წარდგენილ იქნა დეტალური ინფორმაცია სამოქმედო გეგმით გათვალისწინებული სხვა აქტივობების შესრულების, მიმდინარეობის და COVID-19-ით გამოწვეული რისკებისა და მათი დაძლევის გზების შესახებ.
უწყებათაშორისი საბჭომ მოიწონა და დაამტკიცა სტრატეგიის სამოქმედო გეგმის განხორციელების 2020 წლის ექვსი თვის მონიტორინგის ანგარიში. საბჭომ შემადგენლობაში შედიან: საქსტატის აღმასრულებელი დირექტორი, რომელიც ამავდროულად საბჭოს თავმჯდომარეა, ასევე მინისტრების მოადგილეები, საქართველოს ეროვნული ბანკის ვიცე-პრეზიდენტი და საქართველოს მთავრობის ადმინისტრაციის წარმომადგენელი.
