ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 8 ნოემბერი 2019
საქართველოს სტატისტიკის ეროვნულმა სამსახურმა, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან ერთად, გაეროს ბავშვთა ფონდის ტექნიკური და ფინანსური მხარდაჭერით და ევროკავშირის პროგრამის „ადამიანის უფლებები ყველასთვის“ ფინანსური მხარდაჭერით მიზნობრივი სოციალური დახმარების პროგრამის გავლენის შეფასების გამოკვლევის მოსამზადებელი სამუშაოები დაიწყო.
გამოკვლევა მიზნად ისახავს, შეფასდეს მიზნობრივი სოციალური დახმარების პროგრამის გავლენა ბავშვებსა და მათი ოჯახების კეთილდღეობაზე. გამოკვლევის ფარგლებში შეგროვდება მონაცემები ოჯახების მდგომარეობის, განათლების, ჯანდაცვის, ბავშვთა განვითარების და ორსული ქალების ჯანმრთელობის მდგომარეობის შესახებ. ამასთან ერთად შეფასდება ბავშვთა ფულადი დახმარებისა და ბავშვთა კვების ვაუჩერების ეფექტიც.
მოსამზადებელი სამუშაოების ფარგლებში საქსტატმა მიმდინარე წლის 5 ნოემბერს დაიწყო გამოკვლევის საველე პერსონალის ტრენინგი, რომელიც 15 ნოემბრამდე გაგრძელდება. საველე სამუშაოები კი ნოემბერ-დეკემბრის თვეში ჩატარდება. საქართველოს მასშტაბით დაახლოებით 8000-მდე შინამეურნეობა გამოიკითხება.
