ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 28 ოქტომბერი 2019
საქართველოს სტატისტიკის ეროვნულმა სამსახურმა 26 – 27 ოქტომბერს მასმედიის წარმომადგენლებისათვის სასწავლო სემინარი გამართა. ჟურნალისტებთან შეხვედრა ,,ევროკავშირი გენდერული თანასწორობის საკითხებზე მომუშავე უწყებათაშორისი კომისიის მხრადასაჭერად,, პროექტის ფინანსური მხარდაჭერით გაიმართა.
ორი დღის განმავლობაში სემინარის მონაწილეებმა იმსჯელეს ისეთ მნიშვნელოვან საკითხებზე როგორიცაა: მშპ, ეკონომიკური ზრდის ტენდეციები და ეროვნული ანგარიშების ახალი მეთოდოლოგია. სემინარზე მედიის წარმომადგენლებს ასევე მიეწოდათ ინფორმაცია გენდერული სტატისტიკის მონაცემების წარმოების, გავრცელების და გამოყენების შესახებ. მათ ასევე საქსტატის ხელმძღვანელისგან მოისმინეს დასაქმება/უმუშევრობის და ხელფასების ზრდის სტატისტიკის შესახებ. ორდღიან სამუშაო შეხვედრაზე მონაწილეებმა ასევე ამომწურავი ინფორმაცია მიიღეს მონაცემთა შეგროვების თანამედროვე ტექნოლოგიებზე და ამ მიმართულებით საქსტატის გეგმებზე.
საქსტატის აღმასრულებელი დირექტორის, გოგიტა თოდრაძის განცხადებით, ჟურნალისტებთან მსგავსი სახის შეხვედრები ძალიან მნიშვნელოვანია და ხელს შეუწყობს მედია წარმომადგენლების უკეთ ინფორმირებულობას უწყებაში მიმდინარე და დაგეგმილი სიახლეების შესახებ. მისი თქმით, მსგავსი ტიპის მედია სემინარების ჩატარება მომავალშიც იგეგმება.
