ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 30 ივლისი 2019
საქართველოს სტატისტიკის ეროვნულ სამსახურში, 29-30 ივლისს, სასწავლო ვიზიტის ფარგლებში ყირგიზეთისა და ტაჯიკეთის სტატისტიკის სამსახურების წარმომადგენლები იმყოფებიან. ვიზიტი ორგანიზებულია ყირგიზეთში გაეროს სურსათისა და სოფლის მეურნეობის ორგანიზაციის (FAO) წარმომადგენლობის მიერ. შეხვედრის მიზანია საქართველოში სოფლის მეურნეობის სტატისტიკის წარმოების, სტატისტიკური კვლევებისა და მეთოდოლოგიის შესახებ ცოდნისა და გამოცდილების გაზიარება. შეხვედრის ფარგლებში დაგეგმილია მდგრადი განვითარების მიზნების (SDGs) 2.3.1 და 2.3.2 გლობალური ინდიკატორების განხილვა და მათი წარმოებისათვის საჭიროებების განსაზღვრა.
ყირგიზეთისა და ტაჯიკეთის სტატისტიკის სამსახურების წარმომადგენლებს საქსტატის სოფლის მეურნებისა და გარემოს სტატისტიკის დეპარტამენტის თანამშრომლები გაუზიარებენ საქართველოში სოფლის მეურნეობის გამოკვლევების, მონაცემთა შეგროვების თანამედროვე მეთოდების, მონაცემთა დამუშვების, ანალიზისა და გავრცელების არსებულ პრაქტიკას. ორი დღის განმავლობაში საქსტატში გამართულ შეხვედრებზე სტუმრები ქართველი კოლეგებისგან მიიღებენ რეკომენდაციებს სოფლის მეურნეობის მაჩვენებლების წარმოებასთან დაკავშირებით.
