ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 14 ივნისი 2019
საქართველოს სტატისტიკის ეროვნულმა სამსახურმა გაეროს მოსახლეობის ფონდის დაარსებიდან 50-ე წლისადმი და გაეროს მოსახლეობის ფონდის საქართველოს ოფისის 20 წლიან მოღვაწეობასთან დაკავშირებულ საიუბილეო ღონისძიებაში მონაწილეობა მიიღო. ღონისძიებას საქსტატის აღმასრულებელი დირექტორის მოადგილე პაატა შავიშვილი დაესწრო. მან ორგანიზატორებს საიუბილეო თარიღი მიულოცა და საქსტატსა და საერთაშორისო ორგანიზაციას შორის მრავალწლიანი ნაყოფიერი თანამშრომლობის შესახებ ისაუბრა.
პაატა შავიშვილის განცხადებით, გაეროს მოსახლეობის ფონდი საქართველოში ოცწლიანი საქმიანობის განმავლობაში საქსტატს არაერთი მნიშვნელოვანი პროექტის განხორციელებაში დაეხმარა. განსაკუთრებით აღსანიშნავია ფონდის წვლილი 2014 წლის მოსახლეობის აღწერის საქმეში. გარდა ამისა, 2017 წელს გაეროს მოსახლეობის ფონდის ფინანსური და ტექნიკური მხარდაჭერით მომზადდა რამდენიმე პუბლიკაცია, რაც მნიშვნელოვნად დაეხმარება გადაწყვეტილებების მიმღებებს დაგეგმონ სწორი პოლიტიკა.
პაატა შავიშვილმა, იმედი გამოთქვა, რომ მხარეებს შორის არსებული მრავალწლიანი ურთიერთობა მომავალშიც გაგრძელდება და ფონდის დახმარებით შესაძლებელი იქნება ერთობლივი მიზნების განხორციელება.
