ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 28 მარტი 2019
27-29 მარტს, საქართველოს სტატისტიკის ეროვნული სამსახური მასპინძლობს საერთაშორისო ღონისძიებას ადამიანური რესურსების მობილობის გაზომვის საკითხებზე. შეხვედრა სამ ძირითად მიმართულებას მოიცავს: მობილური ტელეფონის მონაცემების გამოყენებით ადამიანური რესურსების მობილობის გაზომვა, მიგრაციისა და ტურიზმის სტატისტიკის ფორმირება მონაცემთა ტრადიციული წყაროების გამოყენებით და პროექტის განხორციელებაში გაეროს, როგორც გლობალური პლატფორმის გამოყენება.
საერთაშორისო გამოცდილებისა და საუკეთესო პრაქტიკის გაზიარების მიზნით, სამდღიან ღონისძიებაში მონაწილეობენ გაერთიანებული ერების ორგანიზაციის სტატისტიკის განყოფილების (UNSD), საერთაშორისო სატელეკომუნიკაციო კავშირის (ITU), ინდონეზიის, მალაიზიის, ომანის, იტალიის, ნიდერლანდების სამეფოს, კოლუმბიისა და ეგვიპტის არაბთა რესპუბლიკის ეროვნული სტატისტიკური სამსახურებისა და სხვა საერთაშორისო ინსტიტუტების წარმომადგენლები.
აღსანიშნავია, რომ გამოითქვა ერთობლივი მუშაობის სურვილი, რომლის პროცესშიც გამოყენებული იქნება ასევე, საქართველოს მობილურ ოპერატორთა მონაცემები მიგრაციისა და ტურიზმის სტატისტიკის შეფასების მეთოდების შემუშავებისა და ტესტირების საკითხებზე. რაც შემდგომში საშუალებას მისცემს სხვა მონაწილე ქვეყნებს, გამოსცადონ ახალი მეთოდების ეფექტურობა.
ამასთან, გაეროს მდგრადი განვითარების მიზნების (SDG) ქვეშ მდგრადი ტურიზმისა და უსაფრთხო მიგრაციის უზრუნველყოფის საკითხები ღონისძიების მონაწილეების მსჯელობის ერთ-ერთ მთავარ საგანს წარმოადგენს.
