ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 28 მარტი 2019
საქართველოს სტატისტიკის ეროვნული სამსახური საერთაშორისო ექსპერტების მისიას მასპინძლობს, რომელიც ევროსტატის მიერ ინიცირებული სტატისტიკური პროგრამის ფარგლებში ხორციელდება (Statistics through the Eastern Partnership. ახალი პროექტი, რომელიც დაფინანსებულია ევროკომისიის მიერ, მიზნად ისახავს აღმოსავლეთ პარტნიორობის ქვეყნების დახმარებას ოფიციალური სტატისტიკის შესაძლებლობების განვითარებისა და გაძლიერების თვალსაზრისით, როგორც რეგიონულ, ისე ეროვნულ დონეებზე. პროექტის ფარგლებში, რომელიც დაახლოებით 3 წლის განმავლობაში გაგრძელდება, დაგეგმილია უცხოელ ექსპერტთა მისიები საქართველოში, ასევე საქსტატის თანამშრომელთა ვიზიტები საზღვარგარეთ, საერთაშორისო გამოცდილების გაზიარების თვალსაზრისით.
ვიზიტის ფარგლებში, ევროსტატის ექსპერტები საქსტატის ხელმძღვანელობას, დარგობრივი დეპარტამენტების უფროსებსა და ოფიციალური სტატისტიკის სხვა მომხმარებლებსა და მწარმოებლებთან შეხვდებიან. შეხვედრები ასევე დაგეგმილია საქართველოს ფინანსთა სამინისტროსა და საქართველოს ეროვნული ბანკის წარმომადგენლებთან.
დელეგაციის შემადგენლობაში არიან საფრანგეთის საერთაშორისო ტექნიკური დახმარების საჯარო სააგენტოს (Expertise France) წარმომადგენლები, რომელსაც ხელმძღვანელობს ბატონი ჟან პოლ ბლანდინიერესი.
