ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 13 დეკემბერი 2018
მიმდინარე წლის 4 დეკემბრიდან 14 დეკემბრის ჩათვლით, საქსტატში სამუშაო ვიზიტით საერთაშორისო სავალუტო ფონდის ექსპერტი იმყოფება. ვიზიტის მთავარ მიზანს წარმოადგენს ფასების სტატისტიკის სფეროში ახალი ინდიკატორის - საცხოვრებელი უძრავი ქონების ფასების ინდექსის (Residential Property Price Index – RPPI) დანერგვა და უკვე არსებული მწარმოებელთა ფასების ინდექსის დაფარვის გაუმჯობესება, მომსახურების ნაწილის მიმართულებით. ეს არის რიგით მეორე მისია „აღმოსავლეთ და სამხრეთ-აღმოსავლეთ ევროპაში ეროვნული ანგარიშებისა და ფასების სტატისტიკის გაუმჯობესების პროექტის“ ფარგლებში (Project to Improve National Accounts and Price Statistics in Eastern and Southeastern Europe).
RPPI მაკროეკონომიკური და ფინანსური სტაბილურობის მნიშვნელოვანი ინდიკატორია. მისი ძირითადი მომხმარებლები ეროვნული ბანკი და კერძო დეველოპერები იქნებიან. ინდექსი გამოიყენება აგრეთვე ეროვნული ანგარიშების სტატისტიკის მიზნებისთვის. აღნიშნული ინდიკატორის დანერგვა ხელს შეუწყობს უძრავი ქონების ბაზრის განვითარების და შესაძლო რისკების შეფასებას.
ვიზიტის ფარგლებში, ექსპერტის დახმარებით მიმდინარეობს საქსტატის მიერ ჩატარებული სამუშაოს შეფასება და ახალი ინდექსის დანერგვისთვის საჭირო შემდგომი ღონისძიებების დაგეგმვა.
