ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 30 მაისი 2018
დღეს სასტუმრო ჰოლიდეი-ინში გაეროს ქალთა ორგანიზაციის (UNWomen) გლობალური ანგარიშის „ვაქციოთ დაპირებები ქმედებად: გენდერული თანასწორობა დღის წესრიგში მდგრადი განვითარებისთვის - 2030” პრეზენტაცია გაიმართა.
ანგარიში, მდგრადი განვითარების 17 მიზანს გენდერულ ჭრილში განიხილავს და გვთავაზობს მონაცემებზე დაფუძნებულ რეკომენდაციებს ქალებისა და გოგონების დისკრიმინაციის აღმოსაფხვრელად. პრეზენტაციაზე პოლიტიკის ფორმირების პროცესში გენდერული სტატისტიკისა და ანალიზის აუცილებლობაზე საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ ისაუბრა. მისი თქმით, „მდგრადი განვითარების მიზნების ინდიკატორებისა და სამიზნეების საქართველოს კონტექსტთან მორგების პროცესში არაერთი მნიშვნელოვანი კვლევა განხორციელდა და იგეგმება; გენდერის კუთხით განსაკუთრებით აღსანიშნავია ქალთა მიმართ ძალადობის ეროვნული კვლევა, რომელიც ევროკავშირის და გაეროს ქალთა ორგანიზაციის მხარდაჭერით 2017 წელს განხორციელდა.
