ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 13 ივლისი 2015
ერთი თვე 13 ივნისის ტრაგედიიდან. დღეს საგამოფენო ცენტრ ექსპო ჯორჯიამ გამოფენა ,,13 ივნისს’’ უმასპინძლა. ღონისძიებაზე საქართველოს პრემიერ-მინისტრმა და მთავრობის წევრებმა ის მძიმე დღეები გაიხსენეს, რაც ერთი თვის წინ დედაქალაქში ხდებოდა. დღესვე ირაკლი ღარიბაშვილმა სტიქიის სალიკვიდაციო სამუშაოებში მონაწილე სტრუქტურების თანამშრომლებს მადლობის სიგელები გადასცა. მათ შორის იყო საქართველოს სტატისტიკის ეროვნული სამსახურის თანამშრომელი ბიძინა არაბული, რომელმაც 13 ივნისის ღამეს სტიქიის ზონიდან სამი ადამიანი გამოიყვანა და სამშვიდობოს გაიყვანა.
ექსპო ჯორჯიაში გამართულ ღონისძიებაზე ქვეყნის პრემიერ-მინისტრმა კიდევ ერთხელ მიუსამძიმრა სტიქიის შედეგად დაღუპულთა ოჯახის წევრებს და გარდაცვლილთა ხსოვნას პატივი მიაგო. ირაკლი ღარიბაშვილმა ასევე მადლობა გადაუხადა სამაშველო სამსახურს და ყველა იმ სტრუქტურას, ვინც ჩართული იყო სტიქიის სალიკვიდაციო სამუშაოებში, ქართველ და უცხოელ მოხალისეებს, ჟურნალისტებსა და ფოტოგრაფებს, მეგობარ ქვეყნებს...
პრემიერის განცხადებით ხელისუფლება ყველაფერს აკეთებს დაზარალებულთათვის ცხოვრების ღირსეული პირობების შესაქმნელად, რათა ისინი თანდათან დაუბრუნდნენ ცხოვრების ჩვეულ რიტმს.
