ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 14 მაისი 2021
საქართველოს სტატისტიკის ეროვნული სამსახური სტატისტიკური ინფორმაციის მომხმარებლებისთვის, გასვლით სამუშაო შეხვედრებს მართავს.
პირველი სამუშაო შეხვედრა 13-14 მაისს ქ.თელავში, გაეროს განვითარების პროგრამის (UNDP) მიერ დაფინანსებული პროექტის - “საქსტატის ინფრასტრუქტურის გაძლიერება და შესაძლებლობების განვითარება" ფარგლებში ტარდება.
გასვლით სამუშაო შეხვედრებს, რომელშიც მონაწილეობას იღებენ კახეთის, მცხეთა-მთიანეთისა და ქვემო ქართლის მუნიციპალიტეტების მერები და მათი წარმომადგენლები, საქსტატის აღმასრულებელი დირექტორი გოგიტა თოდრაძე ხელმძღვანელობს.
ორ დღიანი სამუშაო შეხვედრისას, მონაწილეები გაეცნობიან საქართველოს სტატისტიკის სისტემის განვითარების ძირითად მიმართულებებს, საქსტატის მიერ შემუშავებულ პროდუქტებს და 2020-2023 წლების განვითარების სტრატეგიას; ასევე, განიხილავენ სტატისტიკური მაჩვენებლების გაანგარიშების მეთოდოლოგიების თავისებურებებსა და მათ გამოყენებასთან დაკავშირებულ საკითხებს; იმსჯელებენ სხვადასხვა სტატისტიკურ ინდიკატორებზე და მონაცემთა საჭიროებებზე, დაგეგმვისა და გადაწყვეტილების მიღების პროცესში.
შეხვედრის ფარგლებში გაიმართება დისკუსია, განიხილება სტატისტიკურ მონაცემებთან დაკავშირებით მუნიციპალიტეტების საჭიროებები, რომელიც აისახება საქსტატის სამომავლო გეგმებში.
აღნიშნული პროექტის ფარგლებში სამუშაო შეხვედრები 15-16 მაისსაც გაგრძელდება, სადაც მონაწილეობას მიიღებენ უმაღლესი სასწავლებლებისა და სამეცნიერო წრეების წარმომადგენლები.
