ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 19 ივლისი 2021
საქართველოს სტატისტიკის ეროვნულმა სამსახურმა 17-18 ივლისს, ქ. ბორჯომში მასმედიის წარმომადგენლებთან გასვლითი სემინარი ჩაატარა. ჟურნალისტებთან შეხვედრა საქსტატსა და გაეროს ქალთა ორგანიზაციას (UN Women) შორის დადებული ხელშეკრულების ფარგლებში, ნორვეგიის მთავრობის მხარდაჭერით გაიმართა.
სემინარზე მედიის წარმომადგენლებს მიეწოდათ ინფორმაცია საქართველოში ოფიციალური სტატისტიკის პრიორიტეტული მიმართულებების შესახებ, ასევე გენდერული სტატისტიკის მონაცემთა წარმოების, გავრცელებისა და გამოყენების შესახებ.
სემინარი მიმდინარეობდა დისკუსიისა და აქტიური კითხვა-პასუხის რეჟიმში. მონაწილეებმა იმსჯელეს სხვადასხვა მაჩვენებლის გაანგარიშების მეთოდოლოგიურ თავისებურებებზე, როგორიცაა:მშპ, ეკონომიკური ზრდა, დასაქმება, უმუშევრობა და ხელფასების სტატისტიკა. ორდღიანი სამუშაო შეხვედრის მიმდინარეობისას მონაწილეებმა მიიღეს ასევე ამომწურავი ინფორმაცია სტატისტიკურ მონაცემთა შეგროვების ტექნოლოგიების შესახებ და გაეცნენ საქსტატის სამომავლო გეგმებს.
საქსტატის აღმასრულებელი დირექტორის, გოგიტა თოდრაძის განცხადებით, ჟურნალისტებთან მსგავსი ტიპის საინფორმაციო შეხვედრები ძალიან მნიშვნელოვანია და ხელს შეუწყობს არა მხოლოდ უწყებაში მიმდინარე და დაგეგმილი სიახლეების შესახებ მედია წარმომადგენლების უკეთ ინფორმირებულობას, არამედ ცოდნისა და ცნობიერების ამაღლებას, რაც აუცილებელია მონაცემთა სწორი ინტერპრეტაციისთვის. მისი თქმით, მსგავსი ტიპის მედია სემინარების ჩატარება მომავალშიც იგეგმება.
