ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 29 სექტემბერი 2021
29 სექტემბერს გაეროს აზიისა და წყნარი ოკეანის ეკონომიკური და სოციალური კომისიის (UNESCAP) სტატისტიკის კომიტეტის ბიუროს მორიგი სხდომა გაიმართა. შეხვედრას, რომელიც ონლაინ რეჟიმში მიმდინარეობდა, გაეროს ESCAP-ის სტატისტიკის კომიტეტის თავმჯდომარის რანგში, საქსტატის აღმასრულებელი დირექტორი გოგიტა თოდრაძე უძღვებოდა.
ბიუროს სხდომაზე მონაწილეებმა განიხილეს წინა შეხვედრაზე მიღებული გადაწყვეტილებები და მისი შედეგები, ისაუბრეს ისეთ მნიშვნელოვან თემებზე როგორიცაა დიდი მონაცემების წარმოება, სტატისტიკური მაჩვენებლების მნიშვნელობის შესახებ ცნობიერების ამაღლება და ინსტიტუციური თანამშრომლობის გაძლიერება. შეხვედრაზე გოგიტა თოდრაძემ ყურადღება გაამახვილა პანდემიის პერიოდში სტატისტიკის წარმოების ალტერნატიული მეთოდების, ადმინისტრაციული წყაროებისა და დიდი მონაცემების გამოყენების აუცილებლობაზე.
ბიუროს სხდომაზე ასევე დადგინდა სტატისტიკის კომიტეტის მომდევნო სხდომის ჩატარების თარიღი, რომელიც გაიმართება მომდევნო წელს ქ. ბანგკოკში. შესაბამისად, ბიუროს სხდომაზე შემუშავდა წინასწარი დღის წესრიგი.
შეხვედრას ბიუროს წევრები, სხვადასხვა ქვეყნის სტატისტიკის სამსახურებისა და გაეროს ESCAP სტატისტიკის განყოფილების ხელმძღვანელი პირები ესწრებოდნენ.
შეგახსენებთ, რომ საქართველოს სტატისტიკის ეროვნული სამსახურის აღმასრულებელი დირექტორი გოგიტა თოდრაძე გაეროს აზიისა და წყნარი ოკეანის ეკონომიკური კომისიის ბიუროს თავმჯდომარედ, ორი წლის ვადით 2020 წლის 26 აგვისტოს აირჩიეს.
