ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 26 ნოემბერი 2021
საქართველოს სტატისტიკის ეროვნულ სამსახურსა და დანიის სტატისტიკას შორის ევროკავშირის პროგრამა Twinning-ის პროექტი - „საქართველოს ეროვნული სტატისტიკური სისტემის შესაძლებლობების განვითარება“ დასრულდა.
25 ნოემბერს პროექტის მმართველი საბჭოს ბოლო შეხვედრა გაიმართა და პროექტის საბოლოო შედეგები შეჯამდა.
პროექტის მმართველი საბჭოს ბოლო შეხვედრაზე საქსტატის აღმასრულებელმა დირექტორმა Twinning-ის პროექტის ფარგლებში განხორციელებულ მნიშვნელოვან მიღწევებზე ისაუბრა. აღნიშნა, რომ პროექტის საშუალებით საქსტატმა შეძლო საერთაშორისო სტანდარტებისა და ნორმების შესაბამისი ახალი მეთოდოლოგიებისა და სტანდარტების დანერგვა.
მმართველი საბჭოს მიერ, რომლის შემადგენლობაშიც შედიან დანიის სტატისტიკის, საქართველოში ევროკავშირის წარმომადგენლობისა და საგარეო საქმეთა სამინისტროს წარმომადგენლები, საქსტატში განხორციელებული Twinning-ის პროექტი ძალიან წარმატებულად შეფასდა.
ევროკავშირის მიერ დაფინანსებული Twinning-ის პროექტის მთავარ მიზანს წარმოადგენდა საქართველოსა და ევროკავშირს შორის ასოცირების შესახებ შეთანხმებით გათვალისწინებული გეგმების შესრულების ხელშეწყობა, საქსტატის მიერ დროული, სანდო და საერთაშორისო დონეზე შესადარისი მონაცემების წარმოება და მისი დაახლოება ევროპულ სტანდარტებთან. Twinning-ის პროექტი საქსტატში 2019 წლის აპრილში დაიწყო და ოთხ კომპონენტს მოიცავდა, როგორიცაა, საგარეო ვაჭრობა, ეროვნული ანგარიშები, სოციალური სტატისტიკა და ბიზნეს სტატისტიკა. პროექტის ფარგლებში წარმატებულად განხორციელდა ექსპერტთა 75 მისია და 6 სასწავლო ვიზიტი ჩეხეთისა და დანიის სტატისტიკის სამსახურებში.
