ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 9 დეკემბერი 2021
2021 წლის 8 დეკემბერს გაიმართა ევროსტატის მიერ, აღმოსავლეთ პარტნიორობის (EaP) ქვეყნების პირველი რეგიონული პროექტის - “STEP” მმართველი კომიტეტის (Steering Commitee) მესამე შეხვედრა. მმართველი კომიტეტის მუშაობაში მონაწილეობა მიიღეს ბენეფიციარი ქვეყნების სტატისტიკის სამსახურების ხელმძღვანელებმა, ევროსტატის, ევროკომისიის დირექტორატის (DG NEAR) ასევე, პროექტის კონსორციუმის წევრებმა და ეროვნულმა პასუხისმგებელმა პირებმა (PNC).
შეხვედრა მისასალმებელი სიტყვით გახსნა და სხდომას თავმჯდომარეობდა ევროსტატი.
STEP-ის ექსპერტთა ჯგუფის ლიდერებმა პრეზენტაციების ფორმატში შეაჯამეს პროექტის ფარგლებში გაწეული სამუშაოები და ყურადღება გაამახვილეს იმ გამოწვევებზე, რომლებმაც შეაფერხეს გარკვეული აქტივობები.
შექმნილი მდგომარეობის გათვალისწინებით, ევროსტატმა ოფიციალურად დაადასტურა გადაწყვეტილება STEP-ის 2022 წლის ივლისის ბოლომდე გაგრძელების თაობაზე. ბენეფიციარი ქვეყნები მიესალმნენ აღნიშნულ გადაწყევტილებას და მხარდაჭერა აღუთქვეს ექსპერტთა ჯგუფს საერთო ამოცანების განხორციელების საქმეში.
მმართველი კომიტეტის სხდომის მონაწილეებს სიტყვით მიმართა საქსტატის აღმასრულებელმა დირექტორმა გოგიტა თოდრაძემ. მან ხაზი გაუსვა სტატისტიკის სფეროში, აღმოსავლეთ პარტნიორობის ინიციატივის, როგორც პოლიტიკური ინსტრუმენტის მნიშვნელობას ქვეყნის ევროპული და ევროატლანტიკური ინტერგაციის გზაზე. გოგიტა თოდრაძემ კმაყოფილებით აღნიშნა ევროკომისიის დირექტორატისა და ევროსტატის მხრიდან პარტნიორ ქვეყნებში, ოფიციალური სტატისტიკის სისტემის განვითარების ხელშეწყობა და დადებითად შეაფასა STEP-ში ორი წლის თავზე მიღებული შედეგები.
მან მადლიერება გამოხატა პროექტში ჩართული ექსპერტების, მათი ლიდერის, კონსორციუმის წევრებისა და ევროსტატის მიმართ, რომლებმაც რეგიონში სტატისტიკის სამსახურების საჭიროებებზე დაყრდნობითა და არსებული გამოწვევების გათვალისწინებით, საკმაოდ მოკლე დროში შეძლეს ადაპტაცია და განსაზღვრეს საჭირო პრიორიტეტები.
აღმასრულებელმა დირექტორმა იმედი გამოთქვა, რომ არსებული გამოწვევების მიუხედავად, საქსტატი გააგრძელებს მუშაობას, როგორც დამოუკიდებელი, ძლიერი სამსახური. რაც თავის მხრივ გამოხატავს საქართველოს მთავრობის მზადყოფნას, განავითაროს ოფიციალური სტატისტიკის სისტემა გაეროს ოფიციალური სტატისტიკის ფუნდამენტური პრინციპებისა და ევროპის სტატისტიკის ნორმების კოდექსის შესაბამისად. სიტყვით გამოსვლისას, საერთო გლობალური ამოცანების გადაჭრის კონტექსტში, ხაზი გაესვა ასევე, მდგრადი განვითარების მიზნების (SDGs) 2030 წლის დღის წესრიგის იმპლემენტაციის პროცესში სტატისტიკის ეროვნული სამსახურების ჩართულობის მნიშვნელობას.
