ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 30 მაისი 2022
30 მაისიდან 3 ივნისის ჩათვლით საქართველოს სტატისტიკის ეროვნული სამსახური ამერიკის შეერთებული შტატების სოფლის მეურნეობის დეპარტამენტის (USDA) ექსპერტთა მისიას მასპინძლობს. ვიზიტის მიზანია სოფლის მეურნეობის სტატისტიკის წარმოების მიმართულებით არსებული საჭიროებების დეტალური შესწავლა და სამომავლო თანამშრომლობის პრიორიტეტების განსაზღვრა.
საქსტატი და აშშ-ს სოფლის მეურნეობის დეპარტამენტი უკვე მრავალი წელია თანამშრომლობენ სოფლის მეურნეობის სტატისტიკის წარმოების მიმართულებით. აღნიშნული თანაშრომლობის ფარგლებში განხორციელდა ისეთი მნიშვნელოვანი აქტივობები, როგორიცაა სასოფლო მეურნეობათა გამოკვლევაში მონაცემთა შეგროვების თანამედროვე მეთოდის (CAPI) დანერგვა, საველე პერსონალის ტრენინგები, სხვადასხვა სახის ტექნიკური დახმარება და საერთაშორისო ექსპერტთა მისიების მხარდაჭერა.
