ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 27 ივნისი 2022
დღეს, 27 ივნისს გაეროს აზიისა და წყნარი ოკეანის ეკონომიკური და სოციალური კომისიის (UN ESCAP) სტატისტიკის კომიტეტის ბიუროს სხდომა გაიმართა ონლაინ რეჟიმში.
ბიუროს რიგით მერვე სხდომას გაეროს ESCAP-ის სტატისტიკის კომიტეტის თავმჯდომარის რანგში საქსტატის აღმასრულებელი დირექტორი გოგიტა თოდრაძე ხელმძღვანელობდა.
საქსტატის აღმასრულებელმა დირექტორმა ბიუროს წევრებს მისასალმებელი სიტყვით მიმართა და აღნიშნა, რომ არსებული შემადგენლობით დღეს ბიუროს ბოლო შეკრება იმართება, ხოლო ახალი წევრების არჩევა 23 – 25 აგვისტოს დაგეგმილ გაეროს აზიისა და წყნარი ოკეანის სტატისტიკის კომიტეტის მერვე სესიაზე მოხდება.
ბიუროს სხდომაზე გოგიტა თოდრაძემ ასევე ისაუბრა სტატისტიკის სფეროში თანამშრომლობასა და არსებული ვალდებულებების შესაბამისად ოფიციალური სტატისტიკის რეგიონულ და ეროვნულ დონეზე განვითარების შესაძლებლობებზე.
შეხვედრას ბიუროს წევრები, გაეროს ESCAP-ის სტატისტიკის სამმართველოსა და სხვადასხვა ქვეყნების სტატისტიკის სამსახურების ხელმძღვანელი პირები, ასევე საერთაშორისო და არასამთავრობო ორგანიზაციების წარმომადგენლები ესწრებოდნენ.
სხდომის ბოლოს სტატისტიკის ეროვნული სამსახურის აღმასრულებელმა დირექტორმა მადლობა გადაუხადა გაეროს ESCAP-ის სტატისტიკის სამმართველოს და ბიუროს წევრებს ორი წლის ნაყოფიერი თანამშრომლობისა და გაწეული სამუშაოსათვის.
