ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 10 ოქტომბერი 2022
საქართველოს სტატისტიკის ეროვნულ სამსახურსა და გრიგოლ რობაქიძის სახელობის უნივერსიტეტს შორის ურთიერთთანამშრომლობის მემორანდუმი გაფორმდა. ორმხრივ დოკუმენტს ხელი მოაწერეს საქსტატის აღმასრულებელმა დირექტორმა გოგიტა თოდრაძემ და გრიგოლ რობაქიძის სახელობის უნივერსიტეტის რექტორმა მამუკა თავხელიძემ.
გაფორმებული დოკუმენტის თანახმად, გრიგოლ რობაქიძის სახელობის უნივერსიტეტის სტუდენტები უწყებაში სასწავლო პრაქტიკას გაივლიან, რაც მათ ცოდნის გაღრმავებაში და პრაქტიკული უნარ-ჩვევების გაუმჯობესებაში დაეხმარება. საქსტატის აღმასრულებელი დირექტორის, გოგიტა თოდრაძის განცხადებით, ძალიან მნიშვნელოვანია უმაღლეს სასწავლებლებთან მსგავსი სახის თანამშრომლობა. მისი თქმით, ეს ერთის მხრივ, ხელს შეუწყობს სტუდენტების აქტიურ ჩართულობას საქსტატის საქმიანობაში, ხოლო მეორეს მხრივ, უწყებას საშუალება ეძლევა გამორჩეულ სტუდენტებს დასაქმების პერსპექტივა შეუქმნას.
მემორანდუმის მიზანია მხარეების ერთობლივი ძალისხმევითა და მხარდაჭერით ხელი შეუწყოს სტუდენტების კვალიფიკაციის ამაღლებასა და პროფესიული უნარ - ჩვევების გამომუშავებას.
მემორანდუმის გაფორმების შემდეგ საქსტატის აღმასრულებელმა დირექტორმა გრიგოლ რობაქიძის სახელობის უნივერსიტეტის სტუდენტებისთვის საჯარო ლექცია ჩაატარა თემაზე - „ოფიციალური სტატისტიკის სისტემის განვითარების ძირითადი მიმართულებები“. გოგიტა თოდრაძემ სტუდენტებს გააცნო სტატისტიკის სისტემის განვითარების ძირითადი მიმართულებები, ბოლო პერიოდში საქსტატში განხორციელებული ცვლილებები და სამომავლო გეგმები გააცნო. პრეზენტაციის შემდეგ შეხვედრა კითხვა-პასუხის რეჟიმში წარიმართა. სტუდენტებმა და პროფესორ მასწავლებლებმა მათთვის საინტერესო საკითხებზე დეტალური ინფორმაცია მიიღეს.
