ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 4 ნოემბერი 2022
4 ნოემბერს, საქსტატის აღმასრულებელი დირექტორი გოგიტა თოდრაძე საქართველოს ეკონომიკისა და მდგრადი განვითარების სამინისტროში გამართულ მაღალი დონის შეხვედრას დაესწრო. შეხვედრა გაეროს აზიისა და წყნარი ოკეანის ეკონომიკური და სოციალური კომისიის (UN ESCAP) მხარდაჭერით გაიმართა - „საქართველოში მცირე და საშუალო ბიზნესში განახლებადი ენერგიისა და ენერგოეფექტური ტექნოლოგიების დანერგვის“ საკითხებთან დაკავშირებით.
აღნიშნული შეხვედრა ეხებოდა ენერგეტიკის საკითხებთან დაკავშირებული გაეროს მდგრადი განვითარების მიზნების შესრულებას, რომელთა რეკომენდაციასაც წარმოადგენს მრეწველობის სექტორში ენერგოეფექტურობის გაუმჯობესება.
შეხვედრაზე საქსტატის აღმასრულებელი დირექტორმა მისასალმებელი სიტყვით მიმართა დამსწრე საზოგადოებას და მდგრადი განვითარების მიზნებისა და 2030 დღის წესრიგის განხორციელებისთვის, საქართველოს მიერ გადადგმულ მნიშვნელოვან ნაბიჯებსა და მდგრადი ენერგეტიკის მსოფლიო მნიშვნელობაზე ისაუბრა.
შეხვედრის გახსნით ნაწილში ასევე მონაწილეობდნენ გაეროს ESCAP-ის გენერალური მდივნის მოადგილე, ეკონომიკის, მდგრადი განვითარებისა და საგარეო საქმეთა მინისტრის მოადგილეები.
როგორც გოგიტა თოდრაძემ თავის გამოსვლაში აღნიშნა, მდგრადი განვითარების მიზნებისა და 2030 წლის დღის წესრიგისთვის განხორციელების მონიტორინგისთვის მნიშვნელოვანია განვითარებული და კოორდინირებული ეროვნული სტატისტიკური სისტემისა და მაღალი ხარისხის მონაცემების არსებობა. მან ხაზი გაუსვა საქსტატის მიერ წარმოებულ ენერგეტიკის სტატისტიკის მონაცემების მნიშვნელობას და დამსწრე საზოგადოებას საქსტატის მიერ გადადგმული მნიშვნელოვანი ნაბიჯები და სამომავლო გეგმები გააცნო.
გოგიტა თოდრაძემ მადლობა გადაუხადა ESCAP-სა და სხვა ჩართულ მხარეებს, გაეროს მდგრადი განვითარების მე-7 მიზნის საგზაო რუკის შემუშავებისა და ორი წლის განმავლობაში გაწეული სამუშაოებისთვის და მომავალი თანამშრომლობის მზადყოფნა გამოხატა.
შეხვედრას ასევე ესწრებოდნენ გაეროს აზიისა და წყნარი ოკეანეთის ეკონომიკური და სოციალური კომისიის მაღალი დონის დელეგატები, საქართველოს ეკონომიკისა და მდგრადი განვითარების სამინისტროს, საგარეო საქმეთა სამინისტროს, საერთაშორისო ორგანიზაციებისა და სხვადასხვა ქვეყნების შესაბამისი სფეროების წარმომადგენლები.
