ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 30 ნოემბერი 2022
საქართველოს სტატისტიკის ეროვნული სამსახურის საველე პერსონალს ფართომასშტაბიანი ტრენინგი უტარდება. ტრენინგი აშშ-ს სოფლის მეურნეობის დეპარტამენტის (USDA) ფინანსური მხარდაჭერით მიმდინარეობს.
ტრენინგში ჩართულია სასოფლო მეურნეობათა გამოკვლევის 260 საველე პერსონალი (ინტერვიუერები, კოორდინატორები). სასოფლო მეურნეობათა გამოკვლევა წარმოადგენს სოფლის მეურნეობის ოფიციალური სტატისტიკის უმთავრეს წყაროს.
ტრენინგის მიზანია სასოფლო მეურნეობათა გამოკვლევის ინტერვიუერთა და კოორდინატორთა ცოდნისა და კვალიფიკაციის გაუმჯობესება გამოკვლევის მეთოდოლოგიას და კითხვართან დაკავშირებულ საკითხებში, აგრეთვე მონაცემთა შეგროვების თანამედროვე მეთოდებში. ტრენინგს დაესწრებიან USDA-ს წარმომადგენლები, რომლებიც ტრენინგის მონაწილეებს გაუზიარებენ მონაცემთა შეგროვებისა და საველე სამუშაოების კოორდინაციის ამერიკულ გამოცდილებას.
ტრენინგი 28 ნოემბერს დაიწყო და 8 დეკემბრამდე გაგრძელდება.
