ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 7 დეკემბერი 2022
საქართველოს სტატისტიკის ეროვნული სამსახურის საველე პერსონალის ფართომასშტაბიანი ტრენინგი გრძელდება. ტრენინგი აშშ-ს სოფლის მეურნეობის დეპარტამენტის (USDA) ფინანსური მხარდაჭერით ქ. თბილისში მიმდინარეობს და ის მოიცავს სასოფლო მეურნეობათა გამოკვლევის კახეთისა და ქვემო ქართლის რეგიონების 80 საველე პერსონალს (ინტერვიუერები, კოორდინატორები).
ტრენინგის პირველი ეტაპი განხორციელდა ქ. ბათუმში და მან მოიცვა აჭარის, გურიის, სამეგრელო-ზემო სვანეთის, რაჭა-ლეჩხუმისა ქვემო სვანეთის, იმერეთის, სამცხე-ჯავახეთის, შიდა ქართლის, თბილისის და მცხეთა-მთიანეთის 180 საველე პერსონალი. სულ, აღნიშნული პროექტის ფარგლებში, ტრენინგს გაივლის სასოფლო მეურნეობათა გამოკვლევის 260 საველე პერსონალი.
ტრენინგის მიზანია სასოფლო მეურნეობათა გამოკვლევის ინტერვიუერთა და კოორდინატორთა ცოდნისა და კვალიფიკაციის გაუმჯობესება გამოკვლევის მეთოდოლოგიას და კითხვართან დაკავშირებულ საკითხებში, აგრეთვე მონაცემთა შეგროვების თანამედროვე მეთოდებში. ტრენინგს დაესწრებიან USDA-ს წარმომადგენლები, რომლებიც ტრენინგის მონაწილეებს გაუზიარებენ მონაცემთა შეგროვებისა და საველე სამუშაოების კოორდინაციის ამერიკულ გამოცდილებას.
ქ თბილისში ტრენინგი 6 დეკემბერს დაიწყო და 8 დეკემბერს დასრულდება.
