ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 8 დეკემბერი 2022
საქართველოს სტატისტიკის ეროვნული სამსახური ყირგიზეთის რესპუბლიკის მაღალი დონის დელეგაციას მასპინძლობს. დელეგაციის შემადგენლობაში შედიან ყირგიზეთის განათლებისა და მეცნიერების მინისტრის მოადგილე, შრომის, სოციალური დახმარებისა და მიგრაციის მინისტრის მოადგილე, ფინანსთა მინისტრის მოადგილე, სამთავრობო უწყებებისა და ადგილობრივი თვითმმართველობის წარმომადგენლები და ექსპერტები.
შეხვედრის მიზანი ყირგიზი კოლეგებისთვის დასაქმებისა და უმუშევრობის სტატისტიკის ახალი სტანდარტების გაცნობაა, რომელიც საქსტატმა სამუშაო ძალის გამოკვლევაში 2020 წელს დანერგა.
შეხვედრაზე ყირგიზეთის დელეგაციას ქართველმა სტატისტიკოსებმა შრომის საერთაშორისო ორგანიზაციის ახალი სტანდარტების დანერგვასთან დაკავშირებით საერთაშორისო ორგანიზაციებთან თანამშრომლობის გამოცდილება გაუზიარეს, ასევე გააცნეს ახალი სტანდარტების დანერგვით გამოწვეული ცვლილებები, ისტორიული მწკრივების გადაანგარიშებისთვის გამოყენებული მეთოდები და ახალი სტანდარტების შესაბამისი დამატებითი ინდიკატორები.
შეხვედრის მიმდინარეობისას ყირგიზეთის რესპუბლიკის დელეგაცია გაეცნო სამუშაო ძალის სტატისტიკის გაუმჯობესების და უახლოეს საერთაშორისო სტანდარტებთან დაახლოების თვალსაზრისით საქსტატის მიერ ბოლო წლებში გადადგმულ ნაბიჯებს.
