საქსტატის შეხვედრა თბილისის მერიის წარმომადგენლებთან

თარიღი: 13 დეკემბერი 2022

საქართველოს სტატისტიკის ეროვნულმა სამსახურმა თბილისის მერიის წარმომადგენლებთან გასვლითი სამუშაო შეხვედრა გამართა.

 

შეხვედრა, რომელიც 9-10 დეკემბერს ქ. ბორჯომში გაიმართა, გაეროს განვითარების პროგრამის (UNDP) მიერ დაფინანსებული პროექტის - „მონაცემთა შეგროვების პროცესის გაუმჯობესება და ოფიციალური სტატისტიკის მიმართ ნდობის ამაღლება" ფარგლებში ჩატარდა.

 

გასვლით სამუშაო შეხვედრას, რომელშიც მონაწილეობენ თბილისის მერიის, საქალაქო სამსახურებისა და გამგეობების წარმომადგენლები, საქსტატის აღმასრულებელი დირექტორი გოგიტა თოდრაძე ხელმძღვანელობდა.

 

ორდღიანი სამუშაო შეხვედრისას, მონაწილეები გაეცნენ საქართველოს სტატისტიკის სისტემის განვითარების ძირითად მიმართულებებს, საქსტატის მიერ შემუშავებულ პროდუქტებს, განვითარებულ სერვისებსა და სამომავლო გეგმებს. ასევე, განიხილეს სტატისტიკური მაჩვენებლების გაანგარიშების მეთოდოლოგიური თავისებურებები და მათ გამოყენებასთან დაკავშირებული საკითხები. იმსჯელეს სხვადასხვა სტატისტიკურ ინდიკატორებსა და მონაცემთა საჭიროებებზე, დაგეგმვისა და გადაწყვეტილების მიღების პროცესში.

 

შეხვედრის ფარგლებში გაიმართა დისკუსია, შეხვედრის მონაწილეებმა განიხილეს მუნიციპალიტეტების სტატისტიკურ მონაცემებთან დაკავშირებულ საჭიროებები და იმსჯელეს საქსტატის სამომავლო გეგმებში მათი ასახვის შესაძლებლობებზე.

 

აღნიშნული პროექტის ფარგლებში, საქსტატი სტატისტიკური ინფორმაციის მომხმარებლებთან კიდევ რამდენიმე სამუშაო შეხვედრას გამართავს.