ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 26 იანვარი 2023
საქსტატის აღმასრულებელი დირექტორი გოგიტა თოდრაძე ქ. სანტიაგოში (ჩილეს რესპუბლიკა) გამართულ მიგრაციის სტატისტიკის მესამე საერთაშორისო ფორუმში (IFMS 2023) მონაწილეობს.
საერთაშორისო ფორუმი 23 იანვრიდან 27 იანვრის ჩათვლის ტარდება და მასში მონაწილეობენ 50-მდე ქვეყნის სტატისტიკის სამსახურების პირველი პირები, საერთაშორისო ორგანიზაციების, სამეცნიერო წრეებისა და კერძო სექტორის წარმომადგენლები.
ფორუმის მიზანია მიგრაციის სტატისტიკის სფეროში მოღვაწე მაღალი დონის ექსპერტების ჩართულობით, მიგრაციის მონაცემთა შეგროვების, მეთოდოლოგიის, ანალიზის გაუმჯობესების და ინოვაციების დანერგვასთან დაკავშირებული საკითხების განხილვა და შესაბამისი რეკომენდაციების შემუშავება.
ფორუმზე საქსტატის აღმასრულებელმა დირექტორმა მონაწილეობა მიიღო ერთ-ერთი სესიისას გამართულ პანელურ დისკუსიაში და დამსწრე საზოგადოებას პრეზენტაცია წარუდგინა. მოხსენებისას გოგიტა თოდრაძემ ისაუბრა საქართველოში მიგრაციის სტატისტიკის წარმოების, არსებული გამოწვევებისა და ალტერნატიულ მონაცემთა წყაროების გამოყენების შესახებ.
ფორუმის ფარგლებში დაგეგმილია პარალელური სამუშაო შეხვედრები და სესიები, რომლებიც მიგრაციის სფეროში სტატისტიკურ მონაცემთა შეგროვებასთან დაკავშირებული შესაძლებლობების გაძლიერებას, მონაცემთა მწარმოებლებისა და მომხმარებლებს შორის დიალოგის გაღრმავებასა და სხვადასხვა ქვეყნის ექსპერტთა გამოცდილების გაზიარებას ეხება.
