ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 19 აპრილი 2023
საქართველოს სტატისტიკის ეროვნული სამსახური გაეროს სურსათისა და სოფლის მეურნეობის ორგანიზაციის (FAO) მიერ ინიცირებული საერთაშორისო პროექტის - „50X2030 ინიციატივის“ ფარგლებში საველე პერსონალისთვის ფართომასშტაბიან ტრენინგს ატარებს.
ახალი გამოკვლევის „მანქანა-მოწყობილობები და აქტივები“ ფარგლებში ტრენინგი 19 აპრილიდან 22 აპრილის ჩათვლით ტარდება და მასში მონაწილეობს საქსტატის 200-ზე მეტი თანამშრომელი. სწავლების დროს დეტალურად განიხილება გამოკვლევის მეთოდოლოგია და კითხვარის შევსების ინსტრუქცია. გამოკვლევის ჩატარება დაგეგმილია CAPI მეთოდით, თანამედროვე ტექნოლოგიების - პლანშეტური კომპიუტერების გამოყენებით.
გამოკვლევის შედეგად მიიღება, როგორც სოფლის მეურნეობის სტატისტიკის დამატებითი მაჩვენებლები, ასევე გაეროს მდგრადი განვითარების მიზნების ინდიკატორები, კერძოდ: SDG 5.ა.1 ა) სოფლად მცხოვრები იმ მოსახლეობის პროპორციული ოდენობა სქესის მიხედვით, რომელსაც აქვს საკუთრების ან გარანტირებული უფლებები სასოფლო-სამეურნეო მიწაზე. ბ) სასოფლო-სამეურნეო მიწაზე საკუთრების ან გარანტირებული უფლების მქონე მოსახლეობას შორის ქალთა წილი.
„50 X 2030 ინიციატივის“ სახელწოდებით ცნობილ პროექტში საქსტატი შარშან, 2022 წელს ჩაერთო აღნიშნული თანამშრომლობის ფარგლებში მნიშვნელოვნად გაიზარდა სოფლის მეურნეობის სტატისტიკის არეალი, მათ შორის SDG ინდიკატორების წარმოების მიმართულებით.
პროექტის 50X2030 ინიციატივის განხორციელებაში გაეროს სურსათისა და სოფლის მეურნეობის ორგანიზაციის (FAO) გარდა, მონაწილეობს მსოფლიო ბანკი (WB) და სოფლის მეურნეობის განვითარების საერთაშორისო ფონდი (IFAD).
