ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 25 მაისი 2023
საქართველოს სტატისტიკის ეროვნული სამსახურის აღმასრულებელი დირექტორი გოგიტა თოდრაძე, შვედეთის ელჩის მოადგილეს, ერიკ ილესს და გაეროს მოსახლეობის ფონდის საქართველოს წარმომადგენლობის (UNFPA) ხელმძღვანელს ლელა ბაქრაძეს შეხვდა.
შეხვედრაზე საქსტატის აღმასრულებელმა დირექტორმა შვედეთის საელჩოსა და გაეროს მოსახლეობის ფონდის წარმომადგენლებს მიაწოდა ინფორმაცია მოსახლეობის 2024 წლის საყოველთაო აღწერის მოსამზადებელი სამუშაოების მიმდინარეობის შესახებ და დეტალურად ისაუბრა 2024 წელს დაგეგმილ ღონისძიებებთან დაკავშირებით. ასევე შეხვედრისას ყურადღება გამახვილდა აღწერასთან დაკავშირებული აქტივობების დაფინანსებაზე და ფინანსური რესურსების მობილიზაციის პროცესში დონორების როლზე.
შეხვედრაზე შვედეთის ელჩის მოადგილემ, ერიკ ილესმა და გაეროს მოსახლეობის ფონდის საქართველოს წარმომადგენლობის (UNFPA) ხელმძღვანელმა ლელა ბაქრაძემ, ხაზი გაუსვეს მოსახლეობის აღწერის ჩატარების მნიშვნელობას და აღნიშნულ პროცესში დონორთა ჩართულობის აუცილებლობას.
შეხვედრის მონაწილეები შეთანხმდნენ მოსახლეობის აღწერასთან დაკავშირებულ საკითხებზე შემდგომი თანამშრომლობის შესახებ.
