ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 1 ივნისი 2023
საქართველოს სტატისტიკის ეროვნულმა სამსახურმა, ბავშვთა დაცვის საერთაშორისო დღეს ქალაქ რუსთავის მეორე საჯარო სკოლის მოსწავლეებისათვის პორტალის - ,,სტატისტიკა ბავშვებისთვის და მოზარდებისთვის“ პრეზენტაცია გამართა და შემეცნებითი შეხვედრა მოაწყო.
შეხვედრას მეშვიდე და მერვე კლასის მოსწავლე ესწრებოდნენ.
პორტალი ,,სტატისტიკა ბავშვებისთვის და მოზარდებისთვის“ სხვადასხვა ასაკობრივ ჯგუფებზეა განკუთვნილი და ორი ძირითადი ნაწილისგან შედგება. პირველი ნაწილი - „სტატისტიკა ბავშვებისთვის“ - განკუთვნილია 8-დან 12 წლის ასაკის ბავშვებისთვის, ხოლო მეორე ნაწილი, „სტატისტიკა მოზარდებისთვის“ 13-დან 19 წლის ასაკის ახალგაზრდებზეა მორგებული.
საქსტატის აღმასრულებელმა დირექტორმა გოგიტა თოდრაძემ მოსწავლეებს პორტალის შესახებ ინფორმაცია მიაწოდა და მათთან ერთად შემეცნებითი ქვიზები შეავსო. მოსწავლეებს განსაკუთრებით მოზარდებზე ორიენტირებული პორტალი მოეწონათ, რომელიც 13-დან 19 წლის ასაკის ახალგაზრდებზეა მორგებული. პორტალის ამ ნაწილში წარმოდგენილია საინტერესო ინფორმაცია საქართველოს შესახებ. მოზარდები ასევე გაეცნენ სახალისო სტატისტიკურ ფაქტებს.
საქსტატის შენობაში სკოლის მოსწავლეებმა ასევე დაათვალიერეს სტატისტიკის მუზეუმი, სადაც განთავსებულია უწყების ასწლოვანი ისტორიის ამსახველი ფოტო მასალა და გამოთვლითი ტექნიკა.
საქსტატი მომავალშიც აქტიურად გეგმავს მოზარდებისთვის შემეცნებითი შეხვედრების გამართვას.
