ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 12 თებერვალი 2024
12 თებერვალს საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ გაეროს აზიისა და წყნარი ოკეანის ეკონომიკური და სოციალური კომისიის (UN ESCAP) სტატისტიკის სამმართველოს მიერ ორგანიზებულ პანელურ დისკუსიაში „სტატისტიკურ მონაცემთა მართვა“ (Data Governance across Asia and the Pacific) მიიღო მონაწილეობა.
დისკუსია ონლაინ რეჟიმში ჩატარდა და მის მთავარ თემას აზიისა და წყნარი ოკეანის რეგიონში სტატისტიკურ მონაცემთა მართვის პოლიტიკა და მასში სტატისტიკის ეროვნული სამსახურების როლი წარმოადგენდა.
საქსტატის აღმასრულებელმა დირექტორმა ქვეყანაში არსებულ სტატისტიკურ მონაცემთა მართვის პოლიტიკაზე, მასში ჩართულ უწყებებზე, მონაცემთა გაზიარების, ხელმისაწვდომობისა და ინტეგრაციის საშუალებებზე ისაუბრა. თავის გამოსვლაში გოგიტა თოდრაძემ ხაზი გაუსვა მონაცემთა მართვის პროცესში არსებულ გამოწვევებსა და მათი აღმოფხვრისთვის საჭირო ღონისძიებებს.
გოგიტა თოდრაძემ ასევე ისაუბრა დამოუკიდებელი, ობიექტური და სანდო ოფიციალური სტატისტიკის წარმოებისთვის მონაცემთა მართვის ძლიერი საკანონმდებო ჩარჩოს არსებობის აუცილებლობასა და სტატისტიკის სამსახურის მაკოორდინირებელი როლის მნიშვნელობაზე.
საქსტატის აღმასრულებელი დირექტორთან ერთად დისკუსიაში მონაწილეობას იღებდნენ გაეროს აზიასა და წყნარი ოკეანის ეკონომიკური და სოციალური კომისიის სტატისტიკის სამმართველოს დირექტორი, გაეროს ევროპის ეკონომიკური კომისიის რეგიონული წარმომადგენელი, ასევე გაეროს წევრი ქვეყნების სტატისტიკის სამსახურის ხელმძღვანელი პირები და საერთაშორისო ორგანიზაციების წარმომადგენლები.
