ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 21 მარტი 2024
ორგანიზაცია "Open Data Watch"-მა გენდერული სტატისტიკის მონაცემთა შეფასების ანგარიში (Gender Data Compass Assessment) გამოაქვეყნა, რომელშიც წარმოდგენილია მსოფლიოს ქვეყნების რეიტინგი გენდერული სტატისტიკის მონაცემთა წარმოების, ხელმისაწვდომობისა და ღიაობის თვალსაზრისით.
შეფასების თანახმად, საქართველო მსოფლიო მასშტაბით 185 ქვეყნიდან მე-5 ადგილზეა. გენდერული მონაცემების ხელმისაწვდომობისა და ღიაობის თვალსაზრისით, საქართველო რეიტინგით უსწრებს ევროკავშირის ყველა ქვეყანას, დანიის გარდა.
იმავე ანგარიშის თანახმად, საქართველო მნიშვნელოვნად უსწრებს ისეთ განვითარებულ ქვეყნებს, როგორებიცაა აშშ, კანადა, შვეიცარია, იაპონია, ჩინეთი, ავსტრალია და სხვა.
ქვეყნების რეიტინგი განისაზღვრა გენდერული სტატისტიკის მონაცემების ხელმისაწვდომობისა და ღიაობის ობიექტური შეფასების საფუძველზე. გარდა ამისა, შეფასება რამდენიმე კრიტერიუმის მიხედვით განხორციელდა, მათ შორისაა ქვეყანაში გენდერულად დისაგრეგირებული მონაცემების არსებობა, გამჭვირვალობა, ამ კუთხით არსებული შესაძლებლობები და დაფინანსება.
"Open Data Watch"-ის რეიტინგი, სადაც წარმოდგენილია მონაცემები საქართველოს შესახებ, ხელმისაწვდომია ბმულზე: https://gdc.opendatawatch.com/rankings
