ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
ვებგვერდის ადაპტირებული ვერსია შეზღუდული შესაძლებლობის მქონე პირებისთვის შექმნილია საქართველოს სტატისტიკის ეროვნული სამსახურის (საქსტატი) მიერ გაეროს განვითარების პროგრამისა (UNDP) და შვედეთის მთავრობის ხელშეწყობით.
უკან დაბრუნება
თარიღი: 22 აპრილი 2024
საქართველოს სტატისტიკის ეროვნულ სამსახურში სკოლის მოსწავლეებისთვის შემეცნებითი ექსკურსიები გრძელდება. ამჯერად საქსტატს ქალაქ თბილისის 92-ე საჯარო სკოლის მეოთხე კლასის მოსწავლეები ესტუმრნენ.
საქსტატში ვიზიტისას სკოლის მოსწავლეებმა დაათვალიერეს სტატისტიკის მუზეუმი, სადაც განთავსებულია უწყების ასწლოვანი ისტორიის ამსახველი ფოტო მასალა და გამოთვლითი ტექნიკა. ბავშვები ასევე გაეცნენ საქსტატის მუშაობის ზოგად პრინციპებსა და უწყების ერთსაუკუნოვან ისტორიას.
ტრადიციულად საქსტატის აღმასრულებელმა დირექტორმა გოგიტა თოდრაძემ მოსწავლეებს გააცნო სპეციალურად მათი ასაკობრივი კატეგორიისთვის განკუთვნილი, საბავშვო პორტალი, ,,სტატისტიკა ბავშვების და მოზარდებისთვის“. ესაუბრა საინტერესო და სახალისო სტატისტიკურ ფაქტებზე, მათთან ერთად შეავსო შემეცნებითი ქვიზები და სამახსოვრო სიგელიც გადასცა.
როგორც გოგიტა თოდრაძემ აღნიშნა, ინტერაქტიული პორტალის მიზანია, ბავშვებისა და ახალგაზრდებისთვის სტატისტიკური ინფორმაციის მიწოდება მათთვის საინტერესო და სახალისო გზით. პორტალი მნიშვნელოვნად შეუწყობს ხელს ბავშვებსა და მოზარდებს გაიღრმავონ ცოდნა სტატისტიკის სფეროში, გაიუმჯობესონ ინფორმაციის სწორად აღქმისა და ანალიტიკური აზროვნების უნარები, იყვნენ უფრო მეტად ინფორმირებულები ბავშვთა უფლებების შესახებ და მიიღონ მტკიცებულებებზე დაფუძნებული გადაწყვეტილებები.
მოსწავლეებისთვის საინტერესო აღმოჩნდა ინფორმაცია დემოგრაფიის, განათლების, სოფლის მეურნეობისა და სხვა სტატისტიკური მონაცემების შესახებ.
საქსტატი მომავალშიც გეგმავს ბავშვებისა და მოზარდებისთვის მსგავსი შემეცნებითი ღონისძებების გამართვას.
