17 თებერვალს საქართველოს სტატისტიკის ეროვნულ სამსახურში მსოფლიო ბანკის ექსპერტებმა ნიშტას სინამ და სეზარ კანჩომ აბსოლუტური სიღარიბის გამოთვლის მეთოდოლოგია წარმოადგინეს. საქსტატში გამართულ შეხვედრას ესწრებოდნენ სხვადასხვა სახელმწიფო უწყებების წარმომადგენლები. 
მსოფლიო ბანკის ექსპერტებმა საქსტატის თანამშრომლებსა და მოწვეულ სტუმრებს დეტალურად გააცნეს აბსოლუტური სიღარიბის გამოთვლის მეთოდი. საქსტატის აღმასრულებელი დირექტორის მერი დაუშვილის თქმით, ასეთი ტიპის შეხვედრებს დიდი მნიშვნელობა აქვს, განსაკუთრებით იმის გათვალისწინებით, რომ 2017 წლიდან სტატისტიკის ეროვნული სამსახური აბსოლუტური სიღარიბის ინდიკატორების გამოქვეყნებას იწყებს. 
შეხვედრის მონაწილეები შეთანხმდნენ, რომ წლის განმავლობაში აუცილებელია აღნიშნული მიმართულებით მსგავსი შეხვედრების ჩატარება.