25 ივლისი საქართველოს სტატისტიკის დღეა. აღნიშნული თარიღი საქართველოში ოფიციალური სტატისტიკის წარმოების დაწყებას უკავშირდება. სწორედ 1919 წლის 25 ივლისს შეიქმნა სტატისტიკის პირველი სამსახური, 1921 წელს კი დამტკიცდა პირველი დებულება “საქართველოს სახელმწიფო სტატისტიკის ორგანობის შესახებ”. წელს სტატისტიკის სამსახური 97-ე იუბილეს აღნიშნავს. 

საქართველოს სტატისტიკის ეროვნული სამსახური ყველა სტატისტიკოსს ულოცავს ამ დღეს და უსურვებს პროფესიულ წარმატებებს. სტატისტიკოსთა მაღალი პროფესიონალიზმი ქვეყნის სოციალურ-ეკონომიკური განვითარების საწინდარს წარმოადგენს.

მომხმარებლებთან და რესპოდენტებთან აქტიური კომუნიკაცია საქსტატის მნიშვნელოვანი პრიორიტეტია, რაც უზრუნველყოფს  ხარისხიანი და ზუსტი სტატისტიკური მონაცემების წარმოებას.

ქართული სტატისტიკის დღესთან დაკავშირებით საქართველოს სტატისტიკის ეროვნულმა სამსახურმა უწყების წარმატებული თანამშრომლები და ინფორმაციის მომწოდებელი საუკეთესო ბიზნეს კომპანიები სპეციალური სიგელებით დააჯილდოვა. 

სიგელები გადაეცათ შემდეგ ორგანიზაციებს:  შპს "ჯორჯიან მანგანეზი", შპს "აისი", შპს "აპექს-LTD", შპს "საქნახშირი" (ჯი-აი-ჯი ჯგუფი),    შპს  "ჩირინა", შპს "ლუკოილ-ჯორჯია", შპს "საქართველოს გაზის ტრანსპორტირების კომპანია", სს "საქართველოს სახელმწიფო ელექტროსისტემა", სს "საქართველოს ჯანდაცვის ჯგუფი",  სს "აბდ ჯორჯია", შპს "ბლაუენშტაინ საქართველო" და შპს "ბადაგონი".           

 97-ე იუბილესთან დაკავშირებით საქსტატის მადლობას უხდის თითოეულ რესპონდენტს  და პარტნიორ ორგანიზაციას აქტიური და ნაყოფიერი თანამშრომლობისთვის!