13 სექტემბერს საქართველოს სტატისტიკის ეროვნულ სამსახურში საქსტატის ხელმძღვანელობასა და აშშ-ს სოფლის მეურნეობის დეპარტამენტის (USDA) წარმომადგენლებს შორის სამუშაო შეხვედრა გაიმართა.

   შეხვედრაზე მხარეებმა განიხილეს საქსტატსა და USDA - ის შორის არსებული პროექტების მიმდინარეობა და მომავალი თანამშრომლობის გეგმები. კერძოდ, საქსტატი სამომავლოდ გეგმავს სასოფლო მეურნეობათა შერჩევითი გამოკვლევის მონაცემთა შეგროვებას ტაბლეტების საშუალებით, რაც გააუმჯობესებს სოფლის მეურნეობის სტატისტიკის მონაცემთა ხარისხს და შეამცირებს მონაცემთა გავრცელების ვადებს. მოსამზადებელ სამუშაოებში USDA საქსტატს გაუწევს ტექნიკურ დახმარებას, უზრუნველყოფს ექსპერტების მისიებს და დაეხმარება საველე პერსონალის გადამზადებაში. 

    შეგახსენებთ რომ საქსტატი აშშ-ს სოფლის მეურნეობის დეპარტამენტთან (USDA) სოფლის მეურნეობის სტატისტიკის განვითარების კუთხით 2005 წლიდან აქტიურად თანამშრომლობს.