საქართველოს სტატისტიკის ეროვნული სამსახური „ინფორმაციის თავისუფლების განვითარების ინსტიტუტის“ (IDFI) მიერ 2016 წლის ყველაზე ღია და გამჭვირვალე საჯარო დაწესებულებად დასახელდა და "საჯარო ინფორმაციის ხელმისაწვდომობის უზრუნველყოფისათვის" სპეციალური ჯილდო გადაეცა.
 ინფორმაციის თავისუფლების განვითარების ინსტიტუტმა (IDFI) და ფონდი ღია საზოგადოება საქართველომ 2010-2016 წლებში ინფორმაციის თავისუფლების მდგომარეობის შესახებ საქართველოში შემაჯამებელი ღონისძიება დღეს გამართა. დაჯილდოების ღონისძიებას „ინფორმაციის თავისუფლების განვითარების ინსტიტუტი“ (IDFI) უკვე მე-7 წელია მართავს. საქართველოს სტატისტიკის ეროვნულმა სამსახურმა საჯარო ინფორმაციის ხელმისაწვდომობის უმაღლესი შედეგი აჩვენა და სპეციალური სიგელით უკვე მესამედ დაჯიდლოვდა. 
ღონისძიებას ესწრებოდნენ საქართველოს მთავრობის, საჯარო სამართლის იურიდიული პირების, საქართველოში აკრედიტირებული დიპლომატიური კორპუსის, არასამთავრობო სექტორისა და მედიის წარმომადგენლები.