9-11 ნოემბერს თბილისში, ევროპის თავისუფალი ვაჭრობის ასოციაციის (EFTA) და ნორვეგიის სტატისტიკის სამსახურის ორგანიზებით იმართება სასწავლო კურსი ბიზნეს კვლევების დაგეგმვისა და განხორციელების შესახებ. სასწავლო კურსში მონაწილეობს 24 წარმომადგენელი აღმოსავლეთ ევროპის, კავკასიის, ცენტრალური აზიის ქვეყნებიდან და მონღოლეთიდან. 
კურსის მიზანია ბიზნეს სტატისტიკის წარმოების მიმართულებით მონაწილეთა კვალიფიკაციის ამაღლება და ცოდნის გაზიარება. სამი დღის განმავლობაში მონაწილეებს ჩაუტარდებათ ტრენინგი ბიზნეს სტატისტიკის გამოკვლევის ისეთ საკითხებში, როგორიცაა, შერჩევის, კითხვარის შემუშავების, საველე სამუშაოების წარმოების, მონაცემთა ბაზის ფორმირების, სტატისტიკურ მონაცემთა ხარისხის შეფასებისა და მონაცემთა გავრცელების საკითხებს.
სასწავლო კურსს ატარებენ ჰოლანდიისა და ნორვეგიის სტატისტიკის სამსახურების წარმომადგენლები.