24 ოქტომბრიდან 11 ნოემბრის ჩათვლით, საქართველოს სტატისტიკის ეროვნულ სამსახურში საერთაშორისო სავალუტო ფონდის ექსპერტები იმყოფებოდნენ. ტექნიკური დახმარების მისიის ფარგლებში ექსპერტების ვიზიტის მიზანია საქართველოს სტატისტიკურ სისტემაში შემავალი უწყებებისთვის დახმარების გაწევა, საგარეო სექტორის სტატისტიკის წარმოების, გავრცელების გაუმჯობესება და სექტორული ანგარიშების დანერგვის შესაძლებლობების განხილვა.
სავალუტო ფონდის ექსპერტებმა ადგილზე შეისწავლეს საგარეო სექტორის სტატისტიკისა და ეროვნულ ანგარიშთა სისტემაში არსებული მდგომარეობა, მოახდინეს სისტემის შეფასება და მომზადდა შესაბამისი რეკომენდაციები. 
სავალუტო ფონდის რეკომენდაციების საფუძველზე, საქსტატი და საქართველოს ეროვნული ბანკი განახორციელებენ დამატებით სამუშაოებს, რომელიც მიმართული იქნება საქონლით საგარეო ვაჭრობის, პირდაპირი უცხოური ინვესტიციების, საგადასახდელო ბალანსის და საერთაშორისო საინვესტიციო პოზიციის სტატისტიკის ხარისხის გაუმჯობესებაზე და ეროვნულ ანგარიშთა სისტემაში სექტორული ანგარიშების დანერგვაზე.