საქართველოს სტატისტიკის ეროვნულ სამსახურს სამდღიანი სასწავლო ვიზიტით ყაზახეთის სტატისტიკის კომიტეტის დელეგაცია სტუმრობს. ჩამოსული კოლეგების ვიზიტის მიზანი ყაზახეთის რესპუბლიკაში, 2020 წელს დაგეგმილი მოსახლეობის საყოველთაო აღწერის განხორციელებისათვის, გეოგრაფიული საინფორმაციო სისტემების დანერგვის საორგანიზაციო და მეთოდოლოგიური საკითხების შესწავლა და საქსტატის გამოცდილების გაზიარებაა. 
როგორც ცნობილია, საქართველოს სტატისტიკის ეროვნულმა სამსახურმა 2014 წლის მოსახლეობის საყოველთაო აღწერის დროს, რეგიონში ერთ-ერთმა პირველმა გამოიყენა ციფრული კარტოგრაფირება, რამაც ხელი შეუწყო საველე სამუშაოების ორგანიზებულად განხორციელებას. 
დელეგაციის შემადგენლობაში შედიან, როგორც კომიტეტის ხელმძღვანელი პირები, ასევე დარგობრივი და რეგიონული სამსახურების წარმომადგენლები.